Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 172 Hüküm no: 263 Orijinal metin no: [38a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Durdu bt. Sinan’ın vârisinin kocası Mahmud b. Oruç olduğu İdris b. Mustafa ve İbrahim b. İskender nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Mahmud b. Oruç’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezbûr bundan akdem mahrûse-i Edirne mahallâtından Arabacı mahallesinde fevt olan ve muhallefâtı Beytülmâl-i mezbûr tarafından zabt edilen merhûme Durdu bt. Sinan’ın vârisidir. Şu cihetle ki, müdde‘î-yi mezbûr, müteveffât-ı mezkûrenin öldüğünde taht-ı nikâhında bulunduğu zevcidir. Verâseti ona münhasırdır. Ondan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, şehâdetleri mûcebince hükmetti. Şuhûdü’l-hâl: Şuhûd a‘lâhu