Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 173 Hüküm no: 265 Orijinal metin no: [38b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Memi b. Hayreddin’in sağlığında kölesini âzâd ettiği İbrahim b. Mustafa el-imâm ve Ali b. Mustafa el-müezzin nâm kimseler defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında ve bundan akdem mahrûse-i Edirne mahallâtından Kurd Hoca mahallesinde fevt olan ve muhallefâtı Beytülmâl-i mezbûra ve âti’z-zikr zevcelerine intikal eden el-Hâc Memi b. Hayreddin’in Mihriban bt. Abdullah ve Dilâram bt. Abdullah nâm zevceleri mahzarında, müteveffâ-yı mezbûr tarafından sülüs-i mâlından yaptığı vasiyetlerini tenfîze vesâyeti şâhideyn-i mezkûreynin şehâdetleri ile sâbit olan vasiyy-i muhtâr Ahter b. Abdullah’dan vesâyeten sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müteveffâ-yı mezbûr el-Hâc Memi hâl-i hayâtı ve kemâl-i akl ve sıhhatinde buğday tenli, açık kaşlı, mühür gözlü, Ferruh b. Abdullah nâm abd-i sagīr-i memlûkini hasbeten lillâhi’l-azîm âzâd ve tahrîr eyledi. Abd-i mesfûr bu sûretle sâir ahrâr gibi hür oldu. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, şehâdetleri mûcebince hükmetti. Cerâ zâlike ve hurrire fî 27 Rebî‘ülâhir sene 965 Şuhûdü’l-hâl: Şaban b. Ferruh, Hüseyin b. Veli, Ali b. Yusuf, Mustafa b. Abdullah