Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 175 Hüküm no: 269 Orijinal metin no: [39a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mesih b. Mehmed’in, Süleyman Subaşı b. Abdullah’tan babasının timar mahsulünden dolayı olan alacağını tahsil ettiği Oldur ki, Mesih b. Mehmed b. Abdullah nâm kimesne meclis-i şer‘-i şerîfde Süleyman Subaşı b. Abdullah mahzarında ikrâr ve takrîr-i kelâm edip bundan akdem merhûm babam Mehmed Subaşı Silistre sancağında Varna nâhiyesinde Babaran nâm karyede mutasarrıf olduğu timarın mahsûlünü mezkûr Süleyman Subaşı’ya sekiz bin dört yüz akçeye bey‘ edip semenin kabz etmeden vefât ettikde zikr olunan semen bana ve bir karındaşıma ve bir kız karındaşıma ve zevcesine intikāl eyledi. Hâliyâ hisse-i zevce ki bin elli akçedir ihrâc olundukdan sonra bâkī yedi bin üç yüz elli akçeden humsân hissem ki iki bin dokuz yüz kırk akçe olur mezkûr Süleyman Subaşı’nın yedinden bi’t-tamâm ve’l-kemâl alıp kabz eyledim. Ve mezbûr Süleyman Subaşı’nın zimmetini cemî‘ de‘âviden ve eymân ve muhâsamâtdan husûsen meblağ-ı merkūme müte‘allik da‘vâdan ibrâ-i âmla ibrâ ve ıskāt eyledim dedikde mukırr-ı mezbûru mukarrun-leh mezbûr bi’l-müvâcehe tasdîk edip mâ-vaka‘a bi’t-taleb kayd olundu. Şuhûdü’l-hâl: İlyas Çavuş b. Mustafa, Bâlî Çavuş b. Yusuf, Mevlânâ Abdulbâki b. Yusuf el-müderris.