Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 176 Hüküm no: 272 Orijinal metin no: [39a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Mustafa b. Ahmed’in vârisinin kızı Havva olduğu El-Hâc Memi b. Haydar ve Nasuh b. Abdullah ve el-Hâc Mustafa b. Ali nâm kimseler defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Havva bt. Muslihuddin nâm sagīreye vesâyeti, şâhideyn-i mezkûreynin şehâdetleri ile sâbit olan Zeldâr bt. Abdullah’dan vesâyeten sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, sagīre-i mezbûre bundan akdem hac yolunda fevt olan ve muhallefâtı Beytülmâl-i mezbûr tarafından zabt edilen Edirneli diye ma‘rûf Mustafa b. Ahmed’in vârisidir. Şöyle ki, sagīre-i merkūme, müteveffâ-yı mezkûrun sulbiyye kızıdır. Verâseti ona münhasırdır. Ondan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, şehâdetleri mûcebince hükmetti. Cerâ zâlike ve hurrire fi’l-yevm 3 min-Cumâdelûlâ sene 965 Şuhûdü’l-hâl: İvaz b. Ali ve Sinan b. Yahya ve Haydar b. Abdullah