Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 184 Hüküm no: 291 Orijinal metin no: [41b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Seyyid Ahmed b. Seyyid Musa’nın vârisinin kardeşi Seyyid Abdürrahim olduğu Receb b. Şerîf Mahmud ve Salahaddin b. Halil nâm kimseler defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Seyyid Abdürrahim b. Seyyid Musa’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi merkūm Seyyid Abdürrahim, bundan akdem mahmiye-i mezbûredeki dökümcücübaşı? odalarında fevt olan ve muhallefâtı Beytülmâl-i mezbûr tarafından zabt edilen Seyyid Ahmed b. Seyyid Musa’nın vârisidir. Şu cihetle ki, müdde‘î-yi mezbûr müteveffâ-yı mezkûrun ana-baba bir kardeşidir. Verâseti ona münhasırdır. Ondan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, şehâdetleri mûcebince hükmetti. Fî 16 Cumâdelûlâ sene 965 Şuhûdü’l-hâl: Atıyye b. Abdullah, Ömer b. Zemzem