Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 228 Hüküm no: 390 Orijinal metin no: [54b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kâtib Aydın Bey b. Abdurrahman’ın Prevadi Kazası’nda bulunan yaylak dâvâsından vazgeçmesi Fahru’z-zu‘amâ’ ve’l-muharrirîn Kâtib Aydın Bey b. Abdurrahman nâm kimesne meclis-i şer‘-i şerîfde Avlonya Sancağı’ndan Şarkani nâm karyeden Hüseyin b. Abdullah ve Sinan b. Abdullah ve Kula b. İstoya ve Gön b. Petro ve Selaniçe nâm karyeden Alagöz b. Abdullah ve Gulem b. Niko ve Godoni nâm karyeden Mankol b. Mojak ve Kortes nâm karyeden Mehmed b. Abdullah ve Keko b. Köko ve Şiyani nâm karyeden Memi b. Mustafa ve Löv bin Gön ve Vitişte nâm karyeden Memi b. Abdullah ve İstoya b. Dede nâm kimesneler mahzarlarında ikrâr ve takrîr-i kelâm, bundan akdem zikr olunan kurâ halkı ile sancağ-ı mezbûrda Prevadi Kazâsı’nda vâki‘ olup inde’l-ahâlî ma‘lûm olmağla tahdîd ve ta‘ayyünden müstağnî olan yaylaka müteallık münâza‘ât-ı kesîre ve muhâsamât-ı şedîde etmiş idim. Hâliyâ mezkûrların zimmetlerini cemî‘ da‘vâdan ve eymân ve muhâsamâtdan husûsan yaylak-ı mezbûra müte‘allik da‘vâdan ibrâ-i âmla ibrâ ve ıskāt eyledim dedikde mukırr-ı mezbûru mezbûrûn ahâlî-i kurâ dahî bi’l-müvâcehe tasdîk etdiklerinden sonra mezkûrlar dahî mesfûr Aydın Bey’in zimmetini cemî‘ da‘vâdan ve eymân ve muhâsamâtdan ibrâ ve ıskāt eyledik deyü mukırr ve mu‘terif olduklarında mesfûr Aydın Bey bi’l-müvâcehe ()