Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 289 Hüküm no: 529 Orijinal metin no: [73b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hızır Bey b. Abdülkerim ve Ahmed Çelebi b. Ali’nin evlerini Ahmed Çelebi b. Nişancı Mehmed Çelebi’ye satıp bedelini aldıkları Vâlidesi Âişe Hatun bt. merhûm Sinan kıbelinden âti’z-zikr ibrâ ikrarına vekâlet-i mutlakası Habib b. Bahşı ve Ferruh b. Abdullah’ın şehâdeti ile sâbit olan Hızır Bey b. Abdülkerim vekâleten ve Ahmed Çelebi b. Ali asâleten meclis-i şer‘a hâzırân olup şöyle ikrâr eylediler ki, bundan akdem mahmiye-i Kostantıniyye mahallâtından Mevlânâ Resmî mahallesinde vâki‘, tarafeynden Müderris Bağdâdî oğlu mülkü ile, diğer tarafeyninden tarîk-ı âm ile mahdûd bulunan menzili râyicü’l-vakt kırk bin akçe semen-i mu‘ayyen ile fahrü’l-müderrisîn zahrü’l-muhassılîn Ahmed Çelebi b. Nişancı Mehmed Çelebi’ye bey‘ etmişlerdi. Elân müşterî-yi mezbûrdan cemî‘ semen-i merkūmu ahz ü kabz ettiler. Ve Mevlânâ-yı mezbûrun zimmetini umûmen cemî‘ de‘âvî, mutâlebât, eymân ve muhâsamâtdan, husûsan menzil-i mezkûra müte‘allik da‘vâdan ibrâ eylediler. Vâki‘ ikrâr, mukarrun lehü’l-mezbûr tarafından vicâhen ve şifâhen tasdîk edildi. Fi’l-mezbûr Şuhûdü’l-hâl: Mevlânâ Alâeddin Efendi b. Ahmed el-müderris, Mehmed Çelebi b. Mustafa el-vâ‘iz