Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 92 Hüküm no: 78 Orijinal metin no: [15a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Timar sahibi Bâli’nin timarındaki bazı tarlaları Despina b. Kalamaki’nin tasarrufuna verdiği Sebeb-i tahrîr-i hurûf oldur ki, Ohri Sancağı’nda Gora nâhiye[si] Kastrofile nâm karyede timara mutasarrıf olan Bâli b. İlyas nâm timarî, meclis-i şer‘-i şerîfde nâhiye-i mezbûreden Kastrofile-i mezbûreden Despina b. Kalaki nâm kimesne mahzarında ikrâr ve takrîr-i merâm [edip] nâhiye-i mezbûrede hudûdu inde’l-ahâlî ma‘lûm olmağın tahdîdden ganî olan on pâre tarlalara mezbûr Kalaki b. Dırâz tasarrufunda olup hâlâ zikr olunan tarlalarda mezbûr Despina’ya üç yüz akçesini alıp tapuya virdim. Min ba‘d keyfe mâ teşâ’ mutasarrıf ola dedikde mukırr-ı mezbûru mezbûr Despina bi’l-muvâcehe tasdîk edicek mâ vaka‘a bi’t-taleb kayd olundu. Tahrîren fî 16 Cumâdelâhire sene 970. Şuhûdü’l-hâl: Memi b. Abdullah, İlyas b. Ahmed, Mehmed b. Abdullah, Mezâki b. Toçka, Pize b. Toçka, Mustafa b. Abdullah, Ali b. Abdullah ve gayruhüm mine’l-hâzırîn