Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 96 Hüküm no: 86 Orijinal metin no: [16a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sarrâc bölüğünden Ali Çelebi’nin ölen karısının vârisi olduğunun tespiti İmâm, Muslihiddin b. Mehmed, Mehmed b. Mehmed, Mustafa b. Mehmed, Ahmed b. Ahmed ve Mustafa b. Abdullah nâm kimesneler Dîvân’da, hâssa sarrâcları bölüğünden Ali Çelebi’nin kendi nefsinden asâleten ve Şemsi bt. Abdullah kıbelinden da‘vâ ve kabza vekâleti bimâ hüve tarîki’s-sübût şer‘an sâbit olarak vekâleten sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müdde‘î-i mezbûr, Ayasofya-i sagīr mahallesinde mütemekkin olup orada vefât eden ve muhallefâtından on dört bin iki yüz yirmi akçesi zeyilde mezkûr senenin Cumâdelûlâ ayında Beytülmâl-i mezbûr için zapt edilen Fetehnâ bt. Abdullah’ın vârisidir. Zira merhûme-i mezbûre, öldüğünde zevci olan müdde‘î-i mezbûrun taht-ı nikâhında idi. Merhûmenin verâseti ana münhasırdır. Andan başka vârisi ma‘lûmumuz değildir. Merhûme-i mezbûre techîz ve tekfîni ve kendi yerine hâcca gidilmesi için sülüs-i mâlı ile vasiyyet etmiş ve müdde‘î-i mezkûru da vasiyyetinin tenfîzine vasî nasb etmişdi. Müdde‘î-i mezbûr, vesâyet-i merkūmeyi kabûl etti. Merhûme-i mezbûre ayrıca hâl-i hayâtı ve kemâl-i sıhhatinde mahalle-i mezbûrede vâki‘, bir tarafdan Aşçı Hasan b. Abdullah mülkü, diğer tarafdan Sipâhi Mustafa Bey b. Abdullah ve Bölükbaşı Budak b. Yusuf mülkleri ve iki tarafdan da tarîk-i âm ile mahdûd mülk menzilini müdde‘îye ve müvekkile-i mezbûreye hibe edip teslîm etti. Onlar da menzil-i mezbûru tesellüm ettiler. Şehâdetleri ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ mu‘teber ve makbûl oldukdan sonra mûcebince hükmedildi. Şuhûdü’l-hâl: Sinan Çelebi b. ( ), el-Hâc Sefer b. İshak, el-Hâc Ali b. Abdullah