Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 98 Hüküm no: 91 Orijinal metin no: [17a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Beytülmâlce muhallefâtından yirmi sekiz bin iki yüz kırk akçesi zapt edilen Mustafa b. Abdullah’ın vasiyette bulunduğunun ortaya çıkması << Aşçı Mustafa b. Abdullah, imâm Sıyami b. Resûl ve Sinan b. Abdullah nâm kimesneler, Dîvân-i âlî’de emâcidi’l-mükerremîn defterdârlar huzûrunda, mahmiye-i Kostantıniyye’de vâki‘ Beytülmâl-i hâs emîni Mustafa Çelebi b. Behmen ve kâtibi Derviş Çelebi b. Lütfi mahzarında, Silahdâr Hüsrev Bey b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, mahmiye-i mezbûre mahallâtından Sinan Ağa mahallesinde mütemekkin iken bundan akdem vefât eden ve zeyilde mezkûr senenin Cumâdelûlâ ayında muhallefâtından yirmi sekiz bin iki yüz kırk akçesi Beytülmâl-i mezbûr için zapt edilen hâssa tabbâhları zümresinden merhûm Mustafa b. Abdullah, hâl-i hayâtı ve kemâl-i aklında techîz ve tekfîni ve eczâ-i şerîfe tilâveti için sülüs-i mâlı ile vasiyyette bulunmuş ve müdde‘î-i mezkûru vasiyyetinin tenfîzine vasî nasb etmişdi. O da vasiyyet-i merkūmeyi kabûl edip hizmet-i lâzimesini edâyı taahhüt etti. Şehâdetleri ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ mu‘teber ve makbûl oldukdan sonra mûcebince hükmedildi. Sonra, müteveffâ-yı mezkûrun techîz ve tekfîni için sülüs-i mezbûrundan üç bin akçe sarf edildi; geride altı bin akçe kaldı. [Şuhûdü’l-hâl:] Abdülkādir b. Yusuf, Kasım b. Abdullah el-müezzin >> Derkenâr: Gayrı yerde yazılmıştır.