Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 102 Hüküm no: 98 Orijinal metin no: [18b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Beytülmâlce muhallefâtından bir miktar akçesi zapt edilen Nefise bt. Hamza’nın vârisinin ortaya çıktığı İsa b. Mustafa ve Hasan b. Hamza nâm kimesneler Dîvân-ı âlî’de emâcidi’l-mükerremîn defterdârlar huzûrunda ve mahmiye-i Kostantıniyye’de vâki‘ Beytülmâl-i hâs emîni Mustafa Çelebi b. Behmen ve kâtibi Derviş Çelebi b. Lütfi mahzarında, Akşehir kasabasında mütemekkine Selime bt. Hamza kıbelinden da‘vâ ve kabza vekâleti mâ hüve tarîki’s-sübût şer‘an sâbit olan vekîl Ali b. Hamza’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müvekkile-i mezbûre, mahmiye-i merkūme mahallâtından Kurşunlu Türbe mahallesinde mütemekkine olup bundan akdem mahalle-i mezkûrede vefât eden ve muhallefâtından zeyilde mezkûr senenin Cumâdelûlâ ayının dokuzuncu günü iki bin iki yüz on iki akçesi emîn-i mezbûr yediyle zapt edilip Hazine-i âmireye intikāl eden Nefise bt. Hamza’nın vârisidir. Zira müvekkile-i mezbûre müteveffât-ı mezbûrenin ana-baba bir kız kardeşidir. Merhûmenin verâseti ana ve zevci Mustafa’ya münhasırdır. İkisinden başka merhûme-i mezbûrenin vârisi ma‘lûmumuz değildir. Vekîl-i mezbûrun, günün kasaba-i mezbûre kadısı Mevlânâ Mehmed b. el-Hâc Ali’den vârid olan mazmûnu bimâ hüve tarîki’s-sübût şer‘an sâbit ve muhtevâsı kaziyye-i mahkiyeyi nâtık hücceti ibrâz etmesinin ve şâhidlerin şehâdetlerinin ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ mu‘teber ve makbûl olmasının ardından mûcebince hükmedildi. Cerâ zâlike ve hurrire fî evâhiri Cumâdelâhire sene seb‘în ve tis‘a mie. Şuhûdü’l-hâl: Mehmed b. Ramazan el-müezzin, Pîr Ahmed b. Ali