Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 134 Hüküm no: 158 Orijinal metin no: [29b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstanbul’da Çadırcı Ahmed mahallesinde yer alan bey‘ bi’l-istiğlâl yoluyla satılan evin borç için kesin olarak satılması Sebeb-i tahrîr-i hurûf oldur ki, Amme beytülmâli [emîni] olan Ali Bey b. Ahmed, Fâtıma bt. Sinan nâm hâtunu meclis-i şer‘a ihzâr ve mahzarında takrîr-i da‘vâ edip bundan akdem mahrûse-i İstanbul’da Çadırcı Ahmed mahallesinde vâki‘ olup bir tarafdan Haydar Bey b. Abdullah ve bir tarafdan Malogoz en-Nasrânî mülkü ile ve bir tarafı Veli nâm veresesi mülkü ile mahdûd olan ev Fâtıma bt. Sinan nâm hâtunun olup sâbıkan mezbûre Fâtıma’ya yüz filoriye istiğlâl tarîkiyle bey‘ edip ve on filoriye icâreye 966 Rebî‘ulevvelinde vermiş hâlâ hâtun-ı mezbûre fevt olup zikr olunan ev ziyâde bahâ eder zikr olunan ev bey‘ olunup deyninden mâ‘adâsını kabz taleb ederim dedikde gıbbe’s-suâl ba‘de’l-inkâr Hacı Sinan b. Abdullah ve Sefer b. Musa ve Haydar b. ( ) ve Hasan b. Mehdi ve Pîrî b. Mehmed Çavuş ve Muhyiddin b. Abdullah nâm kimesneler şehâdet edip (…) Şuhûdü’l-hâl: ( )