Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 171 Hüküm no: 227 Orijinal metin no: [43a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmi bt. Mustafa’nın Behram Bey Vakfı’ndan ödünç alıp bileziklerini rehin verdiği Ümmi bt. Mustafa nâm hâtun meclis-i şer‘-i şerîfde merhûm Behrâm Bey Vakfı’na bi’l-fi‘il mütevellî olan Ahmed b. Mustafa mahzarında ikrâr ve takrîr-i merâm edip vakf-ı mezbûr için mütevellî-i mezkûr mu‘âmelesiyle üzerimde üç bin akçe karzdan ve üç yüz akçe sof bahâsından akçe olup işbu sene 970 Ramazanı gurresinden bir yıl tamâmına varınca zikr olunan sof bahâsı olan meblağ müecceldir ve meblağ-ı merkūmun cümlesine yirmi iki kıt‘a bir altın murassa‘ istefan ve on yedi miskāl acem bileziği ve on dört miskāl cebe altın bileziği mezbûr mütevellîye rehin koydum ve mezbûr mütevellîye teslîm eyledim ol dahi tesellüm ve kabz eyledi ve mezbûr ecel hulûl edip deyn-i mezkûrun edâsına kādire olur isem mütevellî-i mezbûru vekîl-i devri nasb eyledim dedikde mezbûr mütevellî dahi vekâlet-i merkūmeyi kabûl edip mâ vaka‘a bi’t-taleb kayd olundu. Tahrîren fî 17 Ramazan sene 970. Şuhûdü’l-hâl: Süleyman b. Durmuş el-müezzin, el-Hâc Hüseyin b. Abdullah, el-Hâc Ahmed b. ( ) et-tâcir