Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 205 Hüküm no: 292 Orijinal metin no: [54a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Keyvan b. Abdullah’ın Koca Kasım Paşa’nın kethüdâsı Behmen’e altın ve gümüş eşya verdiği iddiasının reddi Sebeb-i tahrîr-i hurûf oldur ki, Keyvan b. Abdullah nâm kimesne merhûm Koca Kasım Paşa ki Temeşvâr paşası iken fevt olan Kasım Paşa’nın kethüdâsı Behmen Kethüdâ b. Abdullah nâm kimesneyi meclis-i şer‘a ihzâr ve mahzarında takrîr-i da‘vâ edip mezbûr kethüdâya Paşa hâl-i hayâtta iken yüz altın ile bir gümüşlü şiş verdim ben dirheme geçirmek şartı ile hâlâ zikr olunan altını ve gümüşlü şişi taleb ederim deyû da‘vâ eyledikde gıbbe’s-suâl ba‘de’l-inkâr müdde‘î-i mezbûrdan beyyine taleb olundukda beyyineden âciz olup mezbûr Behmen kethüdânın yemînine iltimâs eyledikde mezbûr Behmen kethüdâ mezbûr müdde‘înin altın ve şiş ve nesnesin almadığına yemîn eyleyip mâ-vaka‘a bi’t-taleb kayd olundu. Fî 27 Şevvâl sene 970. Şuhûdü’l-hâl: Ahmed Bölükbaşı b. Abdullah, Ömer b. Abdullah el-bevvâb, Bâli b. Ferhad es-sipâhi, Hızır Çavuş b. Ali es-sipâhi, Hızır b. İlyas es-sipâhi, Mahmud voyvoda b. Abdullah, Mehmed voyvoda b. Abdullah es-sipâhi