Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 208 Hüküm no: 300 Orijinal metin no: [55b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selime bt. Süleyman ve Mustafa b. Sinan’ın, Aydın Subaşı’nın vârisleri olduğu Sâhib-i timar Karagöz b. Ahmed, Mehmed b. Mustafa, Murad b. Mehmed, Kurd b. Mustafa ve Şükür b. Karagöz nâm kimesneler, Dîvân’dakilerin huzûrunda, ikisi mahzarında, Görice kasabasında mütemekkin olan Selime bt. Süleyman kıbelinden da‘vâ ve kabza vekâleti bimâ hüve tarîki’s-sübût şer‘an sâbit olan kasaba-i mezbûreden râcil Mustafa b. Sinan’dan vekâleten ve kendi nefsinden asâleten sâdır olan da‘vâda gıbbe’l-istişhâd şöyle şehâdet ettiler ki, müdde‘î ve müvekkile el-mezbûreyn, aslen tevâbi‘-i kazâ-yı mezbûreden Iskob karyesinden olup mahmiye-i merkūme mahallâtından Dülgerzâde mahallesinde mütemekkin iken bundan akdem vefât eden ve muhallefâtından 970 senesi Zilka‘desi’nde emîn-i mezbûr yediyle yüz on dört bin dokuz yüz yetmiş dört akçesi zapt edilip Hazine-i âmire’ye vâsıl olan Aydın Subaşı b. Süleyman’ın vârisleridir. Zira müdde‘î-i mezbûr, müteveffâ-yı merkūmun ana-baba bir kardeşinin oğludur. Babası mezbûr Sinan, müteveffâ-yı mezbûrun kardeşidir. Babaları Süleyman, dedeleri Nikola, anaları mezbûre Feriye?dir. Müvekkile-i mezbûre müteveffâ-yı mezbûrun ana-baba bir kız kardeşidir. Verâseti ikisine ve mahmiye-i merkūmede bulunan zevcelerine münhasırdır. Onlardan başka vârisleri ma‘lûmumuz değildir. Müdde‘iyân-ı mezbûrânın günün kazâ-yı mezbûre kadısı Mevlânâ Muhyiddin b. Mustafa kıbelinden vârid olan mazmûnu bimâ hüve tarîki’s-sübût şer‘an sâbit ve muhtevâsı kaziyye-i mahkiyeyi nâtık hücceti ibrâz etmesinin ve şâhidlerin şehâdetlerinin ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ mu‘teber ve makbûl olmasının ardından mûcebince hükmedildi. Cerâ zâlike ve hurrire fî evâhiri Şevvâl sene 970. Şuhûdü’l-hâl: Muslihiddin b. Mehmed sâhib-i timar ve Muhyiddin b. Ahmed el-imâm, Hasan b. Abdullah Derkenâr 1: el-Asîl ve Nasûh b. Abdullah er-râcil, sah. Derkenâr 2: Meblağ: 114. 974, resm: 1.755.