Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 218 Hüküm no: 320 Orijinal metin no: [59a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bursa’da vefat eden Ali ve Bâli b. Mehmed isimli kardeşlerin mirasının Yusuf ve Gülizar Hanım’a intikali davasında sulh olduğu Sebeb-i tahrîr-i hurûf oldur ki, Bundan akdem fevt olup verâseti ammisi oğlunun oğlu olan Yusuf b. Süleyman ve vâlidesi Gülizar bt. Abdullah nâm hâtuna münhasıra olan Ali ve Mehmed b. Bâli nâm karındaşların vârislerinden mezbûr Yusuf meclis-i şer‘-i şerîf ve mahfil-i dîn-i münîfde mezbûre Gülizar’ın kıbelinden Hüseyin b. Bahşî ve Ali b. Mustafa ve Abdullah b. İvaz ve Mehmed b. Abdullah nâm kimesneler şehâdetleriyle vekâleti sâbit olan Yakub b. Pîr Ali mahzarında ikrâr ve takrîr-i merâm edip bundan akdem mezbûrân Ali ve Mehmed mahrûse-i Bursa’da fevt olduklarında cümle muhallefâtlarından yirmi dokuz bin dokuz yüz altmış akçeyi beytülmâl emini kabz ettikden sonra mezbûre Gülizar verâset kendine münhasır zann edip meblağ-ı mezbûru kabz etmiş imiş, hâlâ meblağ-ı mezbûrdan bana âid olan hisse-i şer‘iyyemi vekîl-i mezbûr ile on sekiz bin akçeye sulh edip ve bedel-i sulh olan meblağı bî-kusûr mezkûr vekîlin yedinden alıp kabz eyledim ve mezbûre Gülizar’ın zimmetin meblağ-ı mezbûra müte‘allik olan da‘vâdan ibrâ ve iskāt eyledik dediklerinde mukırr-ı mezbûru mezkûr vekîl bi’l-muvâcehe tasdîk ve ibrâsını kabûl edicek mâ-vaka‘a bi’t-taleb kayd olundu. Fî evâsıtı Zilka‘de sene 970. Şuhûdü’l-hâl: Mehmed b. el-Hâce Sinan, Ali b. Mustafa, İbrahim b. el-Hâc Mustafa, Veli Çelebi b. Mehmed, Hacı Musa b. Hamza, Bâli b. Mehmed, Hüseyin b. Bahşî, Mehmed b. Bahşî, İsmail b. Receb, Mehmed b. Abdullah, İbrahim b. İlyas