Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 228 Hüküm no: 338 Orijinal metin no: [62a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hidâyetullah b. Abdullah’ın muhallefâtından karısı Hacer bt. Abdullah’ın mehir talebi İstanbul’da Nevbethâne Mahallesi’nde mütemekkin olan Hidâyetullah b. Abdullah nâm kimesne mahalle-i mezbûrede fevt olup muhallefâtından dört bin dört yüz elli altı akçesi sene 970 Ramazanı’nda beytülmâl için zabt olundu. Hâliyâ Hacer bt. Abdullah nâm hâtun gelip ben müteveffâ-yı mezbûrun menkûhasıyım ölünce taht-ı nikâhında idim mehr-i müeccelden bin akçe hakkım mezbûr fevt olup zimmetinde kaldı el-ân lâzimü’l-edâ deyndir deyû da‘vâ ettikde Nasûh Bey b. Abdullah ve Derviş b. Nasûh nâm kimesneler şehâdetleriyle isbât ettikden sonra Mehmed Çelebi b. Ali ve Mehmed b. Mustafa tezkiyeleri ile hükm olundu. Fî evâhiri Zilka‘de sene 970