Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 237 Hüküm no: 358 Orijinal metin no: [65a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cafer b. Bâli’nin, Mehmed Çelebi’ye verdiği ödüncü tahsil ettiği Cafer b. Bâli nâm sagīre kıbel-i şer‘den vasî olan Mehmed b. Behmen nâm kimesne meclis-i şer‘-i şerîfde Mehmed Çelebi b. Hasan nâm kimesne mahzarında ikrâr ve takrîr-i merâm edip bundan akdem mezbûr Mehmed Çelebi’ye mezbûr sagīrin malından on dokuz bin beş yüz akçe mu‘âmele tarîkiyle verip bir murassa‘ altın takye ve bir murassa‘ meftûl rehin etmiş idim hâlâ benim ma‘rifetim ile mezbûr Mehmed Çelebi zikr olunan akçeyi [ve] rehinleri bey‘ edip zikr olunan akçeyi bî-kusûr alıp kabz eyledim dedikde mukırr-ı mezbûru mezkûr Mehmed Çelebi bi’l-muvâcehe tasdîk edicek mâ-vaka‘a bi’t-taleb kayd olundu. Tahrîren fî evâili Zilhicce sene 970. Şuhûdü’l-hâl: Ahmed b. Süleyman, Mehmed Çelebi b. Süleyman, Nasûh Bey b. Abdullah, Abdüllatif b. ( ) ve gayruhüm mine’l-hâzırîn