Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 251 Hüküm no: 388 Orijinal metin no: [69a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe Hatun bt. Sinan Bey’in İstanbul’daki evinin Sinan Paşa Vakfı’na satışından vazgeçilip paranın iade edildiği Merhûm Sinan Paşa Evkāfı’na bi’l-fi‘il mütevellî olan Keyvan Bey b. Abdullah meclis-i şer‘-i şerîfde Ayşe Hâtun bt. Sinan Bey tarafından husûs-ı âtîyi tasdîke Kadri Çelebi b. Aziz ve Ali b. el-Hâc Pîrî nâm kimesneler şehâdetleriyle vekâleti sâbit olan mezbûre Ayşe’nin zevci Mevlânâ Mehmed Çelebi b. Mahmud Çelebi mahzarında ikrâr ve takrîr-i merâm edip bundan akdem mezbûre Ayşe’nin mahmiye-i İstanbul’da Karakedi mahallesinde vâki‘ olup bir tarafdan Şah Hûbân Hâtun mülkü ile ve bir tarafdan Çavuş zâviyesiyle ve iki tarafdan Karakedi vakfı ile ve Vezzân Mahmud Bey veresesi mülkü ile ve tarîk-i âm ile mahdûd olan evi kāimi makāmım olan Mahmud b. Yusuf vekîl-i mezbûrdan mâl-ı vakf-ı mezbûr ile yüz altmış bin akçeye satın almış idi, hâlâ cânibeynden terâzî ile zikr olunan bey‘i ikāle eyleyip semen-i mezbûru merkūm vekîl yedinden bî-kusûr alıp kabz eyledim dedikde mukırr-ı mezbûru mezkûr Mehmed Çelebi bi’l-muvâcehe tasdîk edicek kayd olundu. Fî evâhiri Zilhicce sene 970. Şuhûdü’l-hâl: Şuhûd a‘lâhu ya‘nî el-hüccet elletî fî evveli hâzihi’s-sahîfe (Bu sayfanın ilk hüccetinde mezkûr şâhidler)