Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 253 Hüküm no: 393 Orijinal metin no: [70a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Sinan ve Selime bt. Sinan’ın, Aydın Subaşı b. Süleyman’ın vârisleri olduğu Karagöz b. Ahmed, Mehmed b. Mustafa, Kurd b. Mustafa ve Murad b. Mehmed nâm kimesneler, Dîvân’dakilerin huzûrunda, ikisi mahzarında, Görice kasabasında mütemekkin râcil Mustafa b. Sinan’dan kendi nefsinden asâleten ve Selime bt. Sinan kıbelinden da‘vâ ve kabza vekâleti şer‘an sâbit olarak vekâleten sâdır olan da‘vâda gıbbe’l-istişhâd şöyle şehâdet ettiler ki, müdde‘î ve müvekkile-i mezbûre, mahmiye-i merkūme mahallâtından Dülgerzâde mahallesinde mütemekkin olan ve yine mahalle-i mezbûrede vefât edip muhallefâtından yüz sekiz bin sekiz yüz yirmi sekiz akçesi Beytülmâl-i mezkûr için zapt edilip bundan müteveffâ-yı mezbûrun zevcesinin hissesi verilip Hazine-i âmire’ye emîn-i mezbûr yediyle seksen bir bin altı yüz yirmi bir akçesi vâsıl olan Aydın Subaşı b. Süleyman’ın vârisleridir. Zira müdde‘î-i mezkûr müteveffâ-yı mezbûrun ana-baba bir kardeşinin oğludur. Mezbûr Sinan onun ana-baba bir kardeşidir. Anneleri ve müvekkile-i mezbûre ise ana-baba bir kız kardeştir. Verâseti ikisine ve muhallefâtdan hissesini mukaddemâ alan zevcesine münhasırdır. Onlardan başka vârisi ma‘lûmumuz değildir. Müdde‘iyân-ı mezbûrânın günün kazâ-yı mezbûr kadısı Mevlânâ Muhyiddin b. Mustafa kıbelinden vârid olan mazmûnu bimâ hüve tarîki’s-sübût şer‘an sâbit ve muhtevâsı kaziyye-i mahkiyeyi nâtık hüccet-i şer‘iyyeyi ibrâz etmesinin ve şâhidlerin şehâdetlerinin ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ mu‘teber ve makbûl olmasının ardından mûcebince hükmedildi. Cerâ zâlike ve hurrire fî evâhiri Zilhicce sene 970. Şuhûdü’l-hâl: Muhyiddin b. Ahmed el-imâm, Muslihiddin b. Ahmed