Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 279 Hüküm no: 445 Orijinal metin no: [78a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Ömer’in, boşandığı kocasından mehir ve nafakasını aldığı Ayşe bt. Ömer nâm hâtun meclis-i şer‘-i şerîf ve mahfil-i dîn-i münîfde Hasan Bey b. Mehmed nâm sipâhi mahzarında ikrâr ve takrîr-i merâm edip yedi bin akçe mehr-i müeccelim ve yüz yirmi akçe nafaka-i iddetim mezbûr mutallakamın elinden alıp kabz eyledim ve mezbûr mutallakamın zimmetini cemî‘ da‘vâdan ve eymân ve muhâsamâtdan umûmen, husûsen mezbûr mehrime ve nafaka-i iddetime müte‘allik olan da‘vâdan ibrâ-i âmla ibrâ ve iskāt eyledim dedikde mukırre-i mezbûreyi mezbûr Hasan Bey bi’l-muvâcehe tasdîk ve ibrâsını kabûl edicek kayd olundu. Fî evâili Safer sene 971. Şuhûdü’l-hâl: Ahmed Süleyman, Mehmed b. Ahmed, Mehmed Çelebi b. Süleyman, Nasûh Bey b. Abdullah