Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 289 Hüküm no: 467 Orijinal metin no: [81a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ferruh Subaşı’nın Beytülmâl tarafından el konulan muhallefâtının vârisine verilmesi Kaziyye oldur ki, Erzurum kullarından Ferruh Subaşı b. Abdullah nâm kimesne Erzurum’da fevt olup muhallefâtından otuz beş bin dört yüz elli akçesini livâ-yı mezbûrda beytülmâl emîni olan Hasan Kethüdâ zabt eyleyip hâlâ Diyarbekir beylerbeyisi olan İskender Paşa ma‘rifetiyle sene 959 mîrî mühimmât için anda sarf olmuşdur, hâlâ Dergâh-ı sa‘âdet-destgâh çavuşlarından Mehmed b. Sinan nâm kimesne gelip müteveffâ-yı mezbûr sâbıkan Hızâne-i âmire defterdârı olan ammim merhûm Hasan Çelebi b. Karagöz nâm kimesnenin mu‘takıdır usûbet-i nesebiyye ciheti ile verâset bana münhasıradır gayri vârisi yoktur deyû da‘vâ ettikde sipâhi oğlanları cemâ‘atinden Ferhad b. Abdullah ve Perviz b. Abdullah nâm kimesneler şehâdetleri ile isbât ettikden sonra Mustafa b. Abdullah el-alûfî ve Mehmed b. Abdullah nâm kimesneler tezkiyelikleri ile hükm olundu. Fî 19 Safer sene 971. Şuhûdü’l-hâl: ( )