Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 306 Hüküm no: 498 Orijinal metin no: [87a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şâhi bt. Hamza’nın boşandığı kocasında kalan mehri hususunda sulh olduğu Şâhî bt. Hamza nâm hâtun meclis-i şer‘-i şerîfde sağ bölük gurebâsından Sinan b. Ali nâm kimesne mahzarında ikrâr ve takrîr-i merâm edip bundan akdem mezbûr Sinan bana tezevvüc edip talâk vermeğin mezbûrdan iki bin akçe mehr-i müeccel taleb etmiş idim, hâlâ zikr olunan iki bin akçeyi dört filoriye sulh edip ve bedel-i sulh olan meblağı bî-kusûr alıp kabz eyledim ve mezbûr Sinan’ın zimmetini cemî‘ da‘vâdan ve eymân ve muhâsamâtdan ibrâ-i âmla ibrâ ve iskāt eyledim dedikde mukırra-i mezbûreyi mezkûr Sinan bi’l-muvâcehe tasdîk ve ibrâsını kabûl edicek mâ vaka‘a bi’t-taleb kayd olundu. Fî evâhiri Rebî‘ilevvel sene ihdâ ve seb‘în ve tis‘a-mie. Şuhûdü’l-hâl: Ali b. Mahmud, Ali b. Hızır, Mehmed b. Hızır, Hasan b. Yusuf