Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 309 Hüküm no: 505 Orijinal metin no: [88a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Paşa evkâfından olan Elvanzâde mahallesindeki evin Yahudi Mosi b. Arslan’a otuz sene süreyle kiralandığı Cezâyir beylerbeyi iken vefât eden emîru’l-ümerâ’i’l-kirâm kebîru’l-küberâi’l-fihâm merhûm-i mebrûr Ahmed Paşa evkāfına mütevellî olan kardeşi fahrü’l-akrân Hasan Ağa b. el-Hâc Mehmed, mahmiye-i Kostantıniyye mahallâtından Elvanzâde mahallesinde vâki‘, vakf-ı mezbûra âid olan, iki tarafdan tarîk-i âm, bir tarafdan Moskoro v. Totgi mülkü ve diğer tarafdan kâriz ile mahdûd olan cemî‘ menzili cümle hudûdu ve kâffe-i hukūku ile ba‘de’t-tahliye-i şer‘iyye, zeyilde mezkûr senenin gurre-i Rebî‘ulâhirinden otuz sene tamâmına on akid ile ve şehrî yüz on akçe ücret-i kirâ ile, her üç ayın nihâyetinde edâ edilmesi şartıyla hâmil-i hâze’l-kitâb Yahudi Mosi b. Arslan’a îcâr eyledi. O da vakıf mâlı olan menzil-i mezbûru istîcâr eyledi. Yahudi-i mezbûr, mukırr-ı mezbûru vâki‘ ikrârında vicâhen ve şifâhen tasdîk etti. Cerâ zâlike ve hurrire fi’l-mezbûr. Şuhûdü’l-hâl: Şuhûd a‘lâhu