Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 314 Hüküm no: 510 Orijinal metin no: [90a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmi Hatun bt. Ahmed’in, muhallefâtından bir miktar akçesi zapt edilen kocasında mehr-i müeccel alacağı olduğu Müezzin Durmuş b. Abdülkerim, Süleyman b. Süleyman ve el-Hâc Veli b. Mustafa nâm kimesneler, Dîvân’dakilerin huzûrunda, ikisi mahzarında, Ümmi Hâtun bt. Ahmed kıbelinden da‘vâ ve kabza vekâleti bimâ hüve tarîki’s-sübût şer‘an sâbit olan Ahmed b. Abdullah’dan bi’l-vekâle sâdır olan da‘vâda gıbbe’l-istişhâd şöyle şehâdet ettiler ki, müvekkile-i mezbûrenin, mahmiye-i merkūme mahallâtından Haydarî-hâne mahallesinde sâkin iken bundan akdem vefât eden ve zeyilde mezkûr senenin Safer ayında muhallefâtından sekiz bin beş yüz otuz sekiz akçesi Beytülmâl-i mezkûr için zapt edilen, vefâtı anında taht-ı nikâhında bulunduğu müteveffâ zevci zimmetinde mehr-i müeccelinden üç bin akçe hakkı mevcuttur. Müteveffâ-yı mezbûr sülüs-i malıyla techîz ve tekfîni ve eyyâm-ı mu‘tâdede tabh-ı ta‘âm için vasiyyette bulunmuş ve müdde‘î-i mezkûru vasiyyetinin tenfîzine vasî nasb etmişdir. O da vesâyet-i mezbûreyi kabûl edip hizmet-i lâzimesini edâyı taahhüt etmişdir. Şehâdetleri ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ makbûl ve mu‘teber olmağın mûcebince hükmedildi. Cerâ zâlike ve hurrire fî evâili’r-rebî‘ayn sene 971. Şuhûdü’l-hâl: İbrahim Çelebi b. Kemal el-kāid, Hüseyin b. Abdullah ulûfeci