Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 59 Hüküm no: 1 Orijinal metin no: [1a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Bey b. Abdullah’ın bey‘ bi’l-istiğlâl yoluyla vakıftan ödünç aldığına dâir terkin olunmuş kayıt Vakıf siciline kayd olundu. Mehmed Bey b. Abdullah meclis-i şerî‘at-i şerîfeye gelip işbu akdin sudûruna kadar mâliki olduğu, havâss-ı mahmiyye-i Kostantıniyye tevâbi‘inden Beşiktaş mahallâtından Yeni mahallede kâin, fevkānî iki hâneyi, su kuyusunu, avluyu ve kenîfi hâvî, bir tarafından Devlet Hatun mülkü, bir tarafından Muharrem Usta mülkü, bir tarafından Pîr b. Hürrem mülkü, bir tarafından tarîk-ı âm ile mahdûd bulunan cemî‘ menzilini cümle hudûdu ve kâffe-i hukukuyla râyicü’l-vakt on iki bin akçe semen-i mu‘ayyen-i makbûz ile hâmil-i hâze’l-kitâb Keyvan Kethüdâ b. Abdurrahman’a bey‘ ettiğini ikrâr ve i‘tirâf eyledi. Mezbûr Keyvan dahî (…) vakfı malıyla ve istiğlâl maksadıyla menzil-i mezbûru iştirâ eyledi. Mütevellî-yi mezbûr menzil-i merkūmu bir sene tamâmına râyicü’l-vakt bin iki yüz akçeye bâyi‘-i mezkûra icâreye verdi. Vâki‘ ikrâr mütevellî-yi mezbûr tarafından vicâhen ve şifâhen tasdîk edildi. Tahrîren fî evâili Rebî‘ülevvel sene 966 Şuhûdü’l-hâl: Mehmed Ağa b. Pîr Ağa ve Şeref Hâce ve Mehmed b. Mustafa, İbrahim b. Pîr Mehmet, Hızır b. Toğan ve gayrühüm mine’l-hâzırîn