Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 75 Hüküm no: 65 Orijinal metin no: [6b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havsa bt. Abdullah’ın yetiştirmek için yanına aldığı kızın geri alınmaması için nafaka talebi Sebeb-i tahrîr-i hurûf oldur ki; Havâss-ı Kostantıniyye’ye tâbi‘ karye-i Ekmekçibaşı mahallesinde sâkine olan Havsa bt. Abdullah mahfil-i şer‘a gelip şöyle takrîr-i kelâm eyledi ki işbu yanımda olan Zeyneb bt. Yurad Hasan ki anası Fâtıma ve babası mezbûr Hasan ma‘rifeti ile bana iyâlliğe vermişler idi, şimdi ben iyâl edip cihâzın ve nafakasın ve kisvesin görürüm tamâm-ı sabiyye? hadese? yürüyüb tünek? oldukda taleb edip elimden almamak ecel için şerh ile nafaka takdîr olunmasın taleb ederim deyip mezbûre Havsa talebi ile merkūme Zeyneb’i me’kûlâtı ve melbûsâtı ve cihâzı ve sâir havâic-i zarûriyyesi için kıbel-i şer‘den yevmî üç akçe nafaka takdîr olunub vakt-i tercîhde mezbûre Zeyneb kimi taleb ederse andan taleb edip eyle takdîren ve kabûlen sahîh-i şer‘i cerâ zâlik. Hurrire fî evâhir-i Cumâdelâhire sene sitte ve sittîn ve tis‘a mi’e Şuhûdü’l-hâl: Berber Hasan b. Abdullah ve Ferah b. Abdullah ve Mehmed b. Mustafa ve Ahmed b. Abdullah ve Mahmud b. Üveys el-İmâm ve Mehmed b. Mustafa ve gayruhüm mine’l-hâzırîn.