Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 76 Hüküm no: 68 Orijinal metin no: [7a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud b. Ahmed’in babasından kendisine kalan mülkü annesine sattığı Oldur ki Kazâ-i Haslar’a tâbi‘ Beşiktaş nâm karyeden Mahmud b. Ahmed kıbelinden Sırrı b. Ahmed ve İbrahim b. Koca nâm kimesneler şehâdetleriyle vekâleti sâbit olan İbrahim b. Sadi meclis-i şer‘-i şerîfe ve mahfil-i hükm-i münîfe hâzır olduklarında ikrâr kılıp mezkûr müvekkilim olan Mahmud beni vekîl edip müteveffâ babam Ahmed’in mülk menzilinden bana irs-i şer‘le intikâl eden hakkımı işbu hâmiletü’l-kitâb vâlidem Âişe bt. Sinan nâm hatuna beş bin râyicü’l-vakt-i Osmânîye bey‘-i bât ile bey‘ ettim teslîm-i mebî‘i kabz-ı semen ettim sen dahi vekâletin tarîkıyla ikrâr edip vâlidem Âişe’ye hüccet-i şer‘î ibrâz deyicek mukırr-ı mezkûr ikrâra bi’l-müvâcehe tasdîk olunup yedine hüccet verildi. Tahrîren fî Zilka‘de sene 966 Şuhûdü’l-hâl: Memi Çelebi b. Bayezid, Kurd b. Ahmed, Sırrı b. Ahmed, İbrahim b. Koca, Hamza b. Abdullah, Pervane b. Abdullah ve gayruhüm.