Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 80 Hüküm no: 78 Orijinal metin no: [8a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Akıntı Ayazma mevkiindeki bağın Yani Dimitri’ye ait olduğu Vech-i tahrîr-i sicil budur ki Havâss-ı Kostantıniyye subaşısı olan Sinan b. Abdullah nefs-i İslambol’dan Yani Dimitri nâm zimmîyi meclis-i şer‘-i şerîfe ihzâr ettikde karye-i Akıntı Karlı Ayazma nâm mevzi‘de bir cânib dağ ile ve bir cânib Menküle ve bir cânib Dimitri bağıyla mahdûd olan bağ sâbıkâ bir kasîsindir kasisin mâlı beytü’l-mâla âid olmuşdur beytü’l-mâl emîni olduğum tarîkiyle taleb ederim deyicek mezkûr Yani’den suâl olundukda fi’l-vâki‘ mezbûr bağı Yorgi b. Balaban nâm kasîsden aldım hüccet-i şer‘im dahi vardır ve hüccetimde hâliyâ müftiyyü’z-zamân Hoca Çelebi Efendi imzâsıyla mumzâdır deyicek hüccet nazar olunup ve mazmûn-ı hüccet Mehmed b. Mustafa ve Mehmed Ali nâm kimesneler şehâdetleriyle sâbit olup bey‘a hükm olunup sicile kayd olundu. Tahrîren fî evâhir-i Zilka‘de sene 966 Şuhûdü’l-hâl: Halil b. Mehmed, İbrahim b. Koca, Nasuh b. Abdullah, İlyas b. Abdullah, Hasan b. Abdullah ve gayruhüm mine’l-hâzırîn.