Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 84 Hüküm no: 91 Orijinal metin no: [9b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cafer b. Abdullah’ın Pîrî Ağa’nın evine zarar verdiği Vech-i tahrîr-i sicil budur ki Havâss-ı Kostantıniyye-i mahmiyyeye tâbi‘ Beşiktaşı nâm karyeden Reisü’l-hazâini’l-bîrûnî Pîrî Ağa hazretleri karye-i mezkûreden Cafer b. Abdullah nâm kimesneyi meclis-i şer‘-i şerîfe hâzır ettikde da‘vâ kılıp karye-i mezkûrede ma‘lûmü’l-hudûd olan ev ki Ekmekcibaşı’ndan almış idim mezbûre Cafer tarafından iki kat duvarım yıkdı bana ta‘addîsi vardır taleb ederim deyicek mezkûr Cafer’den suâl olundukda bi’t-tav‘ ikrâr kılıp su almak için ben yıkdım dedikden sonra ahâlî-i mahalle şehâdet edip mezbûr Cafer mezkûr Pîrî Ağa’nın evine yaramaz avratlar koyup çıkarır kez def‘a gördük deyicek şöyle vâki‘ hâldir mezbûr ağa talebiyle sicile kayd olundu. Evâsıt-ı Zilhicce sene 966 Şuhûdü’l-hâl: Cafer Ağa b. Abdullah, Hasan b. Abdullah, Cafer b. Sırrı, Mehmed b. Mustafa.