Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 87 Hüküm no: 98 Orijinal metin no: [10a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Yani v. Pereşkova’nın evinin borcu sebebiyle Papa Nikola’ya satıldığı Bundan akdem fevt olan Yani [v.] Pereşkova’nın Malesyanoz, Elo ve Mihal nâm evlâd-ı sigārına vasî olan Todori v. Yorgi vesâyeten ve müteveffâ-yı mezbûrun zevcesi Todora bt. Kosta asâleten şöyle ikrâr eylediler ki, sigār-ı mezbûrîne ve zevce-i merkūmeye müteveffâ-yı mezkûrdan irsle intikal eden, Havâss-ı Kostantıniyye-i mahmiyyeye tâbi‘ Beşiktaşı karyesinde kâin, tahtânî bir beyti, su kuyusunu, kenîfi ve eşcâr-ı müsmireli bahçeyi hâvî olan, bir tarafından Terzi Yani mülkü, bir tarafından tarîk-ı âm, bir tarafından Fanzo Balyakos mülkü, bir tarafından mahzen ile mahdûd bulunan cemî‘ menzili cümle hudûdu ve kâffe-i hukukuyla râyicü’l-vakt beş bin beş yüz akçe semen-i mu‘ayyen-i makbûz ile hâmil-i hâze’l-kitâb Papa Nikola’ya asâleten ve vesâyeten bey‘ ettiklerini ikrâr ve i‘tirâf eylediler. Müşterî-yi mezbûr vâki‘ ikrârı bi’l-müvâcehe tasdîk etti. İşbu mubâya‘a, şer‘an sâbit bulunan zarûret-i deyn sebebiyle cereyân etti. Hurrire fî evâsıtı Zilhicce sene 966 Şuhûdü’l-hâl: İskender b. Abdullah, Nasuh b. Abdullah, Cafer b. Pîrî el-imâm, Hayreddin [b.] Abdullah, Hasan b. Abdullah