Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 100 Hüküm no: 131 Orijinal metin no: [14a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kosta v. Yorgi’nin bey‘ bi’l-istiğlâl yoluyla Hürrem b. Abdullah’dan ödünç aldığı Vech-i tahrîr-i sicil budur ki Beşiktaşı’na nâm karyeden Ayafuka nâm karyeden Kosta v. Yorgi nâm zimmî meclis-i şer‘-i şerîfe ve mahfil-i hükm-i münîfe hâzır olduklarında ikrâr kılıp karye-i mezkûrede bir yanı Ustoyko Dimitri ve bir yanı Dimitri Atnaş ve bir yanı Nikola Yorgi karındaşı ve bir cânibi denize muttasıl târîk-i âmla mahdûd bir yer evi iki mağara? üstü çardak ardı bahçesiyle ve eşcâr-ı müsmiresiyle altı bin râyicü’l-vakt Osmânî akçeye bi-tarîki’l-istiğlâl işbu bâ‘isü’l-kitâb Hürrem b. Abdullah atîk-i Hayreddin Paşa nâm kimesneye bey‘ ve teslîm-i mebî‘ kabz-ı semen ettim ettikden sonra bir yıla altı yüz akçe icâreye aldım ve zarar-ı mâla kefîl Dimitri İlya ve Yani Andreya ve Atnaş Petro ve Nikola Yorgi, Aleksi Andreya Yorgi nâm zimmîleri kefîl verip mezkûrân zimmîler kefâleti kabûl ettikden sonra mezkûr Kosta’nın ikrârını mezbûr Hürrem bi’l-müvâcehe tasdîk edip talebleriyle bu vesîka ketb olundu. Tahrîren fî 18 Saferi’l-muzaffer sene 967. Şuhûdü’l-hâl: Hasan b. Abdullah el-berber, Mehmed b. Mustafa el-muhzır, Kâtibü’l-hurûf Derviş İlyas, İbrahim b. Sadık, Şehabeddin Hoca el-imâm, İskender el-kâtib, Mehmed Sinan el-imâm sânî, İlyâs el-berber, Nasuh Bey b. Abdullah, Hasan Bey Azeb er-Reis, Mehmed b. Abdullah el-cündî, Receb b. Hasan, Kongoli Marko, Kosta Yorgi, Andreya İstoyko, Yorgaki Yani ve gayruhüm.