Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 112 Hüküm no: 161 Orijinal metin no: [18a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mısır Kadısı Hasan Beyefendi’nin bahçesini kiralayan Canı v. Nikola’nın kira parasını teslim ettiği Kaziyye-i Hasan Beyefendi kādı-i Mısır mahrûse Vech-i tahrîr-i hurûf budur ki Hâliyâ Mısır kādısı olan Hasan Beyefendi cânibinden bi-tarîki’ş-şer‘ vekâleti sâbit olan Ferruh b. Abdullah en-nakkâş nâm kimesne meclis-i şer‘-i şerîfe gelip Ayafuka nâm karyeden Canı v. Nikola nâm zimmî mahzarında ikrâr ve i‘tirâf edip karye-i mezbûrede inde’l-ahâlî ma‘lûmü’l-hudûd vâki‘ olan mezkûr efendinin bahçesini sâbıkâ işbu sâhibü’l-hurûf mezbûr Canı’ya üç buçuk yıl mukāta‘aya mezbûr mukaddemâ altı bin akçe icâreyi alıp kabz edip bâkî beş yüz akçeyi hâliyâ alıp kabûl-i kabz ettim el-an makbûzumdur bâkî duyûndan zimmetini ibrâ ve ıskāt ettim ba‘de’l-yevm da‘vâm ve nizâ‘ım yokdur dedikde mukırr-ı mezbûrun ikrârını mezbûr Canı vicâhen kabûl ve tasdîk edip mâ vaka‘a bi’t-taleb kayd-ı sicil olundu. Tahrîren fi’l-yevmi’s-sâlis ve’l-ışrîn min şehr-i Rebî‘ülevvel sene 967 Şuhûdü’l-hâl: Fahrü’l-akrân Mehmed Usta, Nasuh Bey b. Abdullah, Hasan b. Abdullah, İbrahim b. Sadık el-müezzin, Haydar b. Abdullah, Mehmed b. Mustafa el-muhzır ve gayruhüm mine’l-hâzırîn. Yevmü’l-isneyn fî 5