Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 113 Hüküm no: 163 Orijinal metin no: [18b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Marko’nun ölen Yani v. Petre’den kiraladığı bahçenin ücretini ölmeden önce kendisine verdiği Vech-i tahrîr-i hurûf budur ki Akıntı nâm karyede mürd olan Yani v. Petre yetîmlerine kıbel-i şer‘den üzerlerine nâzır olan karındaşı Kosta v. Petre karye-i mezbûreden Yani v. Marko nâm zimmîyi mahfil-i şer‘a ihzâr ve mahzarında takrîr-i da‘vâ edip mürd olan karındaşım Yani hâl-i sıhhatinde iken bahçesin beş yüz akçe icâreye almışdır hâliyâ nâzır olduğum ecilden taleb ederim deyicek mezbûr Yani’den suâl olundukda ikrâr-ı tav‘ıyla verip merkūm akçeye mezkûr Yani’ye hâl-i sıhhatinde verip teslîm eyledim dedikde mezbûr Kosta talebiyle kayd olundu. Şuhûdü’l-hâl: Murad Bey b. Abdullah, Mehmed b. Mustafa el-muhzır, Hristo v. Simo, İstemad Kethüdâ ve gayruhüm.