Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 132 Hüküm no: 210 Orijinal metin no: [25a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail b. İsa’nın Musa b. Halil’den para almadığına dair yemin ettiği Yevmü’l-isneyn, fî 9 Oldur ki Musa b. Halil, İsmail b. İsa[‘yı] mahfil-i şer‘a ihzâr ve mahzarında takrîr-i da‘vâ edip bundan akdem işbu bâ‘isü’l-hurûf İsmail’e karz-ı hasen üç tâne filori verip hâliyâ taleb ederim deyicek gıbbe’s-suâl mezbûr İsmail inkâr ile cevâb vericek da‘vâsına mutâbık beyyine taleb olundukda mezbûr Musa beyyineden âciz olup yemîn etsin deyicek mezbûr İsmail yemîn billâh edip mâ vaka‘a bi’t-taleb kayd olundu. Şuhûd: İsmail Çelebi b. Hayreddin, Hüsam b. Yusuf el-muhzır, Mehmed b. Mustafa el-muhzır.