Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 137 Hüküm no: 222 Orijinal metin no: [27a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Akıntıburnu köyünden bazı zimmilerin Mustafa Çavuş’tan aldıkları borcu ödeyip rehin verdikleri evlerini teslim aldıkları Kaziyye-i mefharü’l-emâcid ve’l-emâsil Mustafa Çavuş Vech-i tahrîr-i hurûf Kasaba-i Beşiktaşı’nda kıdvetü’l-emâsil ve’l-emâcid Mustafa Çavuş meclis-i şer‘-i şerîfe hâzır olup Akındıburnu nâm karyeden Manol v. Nikola ve Yorgi v. Yani ve Yorgi v. Piro ve Yani v. Manol ve Manol v. Nikola nâm Nasrânîler mahzarında ikrâr-ı şer‘î ve i‘tirâf-ı mer‘î kılıp dedi ki işbu bâ‘isûnü hâze’s-sicil mezbûrûn Nasrânîlere sâbıkā beş yüz sikke el-veznü’t-tâm filori karz-ı hasen verdik karye-i mezkûrede olan mülk evlerini rehin alıp meblağ-ı merkūmun derkine mezbûrlar birbirine [kefîl] oldular idi hâliyâ beş yüz sikketü’l-veznü’t-tâm filori işbu müşârun-ileyhim nasrânîler elinden bî-kusûr ve lâ-küsûr alıp kabûl [ve] kabz etdim elân makbûzumdur zimmetlerini düyûndan ibrâ ve ıskāt etdim dedikde mukırr-ı mezbûrun ikrâr ve kavl-i meşrûhunu mezbûrûn zimmîler vicâhen kabûl ve tasdîk edip mâ-hüve’l-vâkı‘ bi’t-taleb sicille kayd olundu. Tahrîren fi’l-yevmi’r-râbi‘ aşer min şehri Cumâdelûlâ sene 967. Şuhûd: Cafer b. Pîrî Mehmed el-mu‘allim, İsmail Çelebi b. Hayreddin emîn-i memlaha, Hasan b. Abdullah el-berber, İskender Bey birâder-i Çavuş, Hüsam b. Nebî el-muhzır, Mehmed b. Mustafa el-muhzır ve gayruhüm mine’l-hâzırîn.