Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 138 Hüküm no: 225 Orijinal metin no: [27a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap İskerlet v. Kosta’nın koyunlarını çaldıklarından şüphelendiği kimselerle sulh olduğu Vech-i tahrîr-i sicil oldur ki Beşiktaşı’ndan Kasab İskerlet v. Kosta nâm zimmî İstemad v. İstani ve Yani v. Yorgi ve Manol v. Dimitri ve Yorgi v. Nikola nâm zimmîler mahzarında ikrâr ve i‘tirâf, bundan akdem on iki re’s koyunum serika olunmuş idi işbu mezbûrlardan mazanne etdikde mezbûrlar bazısı ikrâr ve bazısı inkâr etdikleri ecilden dokuz tâne sikke filoriye sulh edip zimmetlerini bâkīden ibrâ ve ıskāt etdim deyicek mukırr-ı mezbûrun ikrâr ve kavl-i meşrûhunu mezbûrlar vicâhen kabûl ve tasdîk edip mâ vaka‘a mezbûrlar talebiyle kayd olundu. Şuhûd: İsmail Çelebi b. Halil, İbrahim Subaşı b. Halil, Hüsam b. Nebî el-muhzır, Mehmed b. Mustafa el-muhzır, Abdi Çelebi b. Ali ve gayruhüm mine’l-hâzırîn.