Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 155 Hüküm no: 262 Orijinal metin no: [32b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çoban Andreya b. Keyn’in koyunlarıyla Yorgi b. Yani’nin ekinine zarar verdiği Vech-i tahrîr-i sicil oldur ki Beşiktaş bâğları ve Ortaköy bâğları korucusu Hamza b. Mehmed, Andreya b. Keyn nâm koyun çobanı[nı] meclis-i şer‘a ihzâr ve mahzarında takrîr-i da‘vâ edip işbu çoban, Yorgi b. Yani nâm zimmînin göğ ekinine koyun koyup zarar etmişdir deyicek gıbbe’s-suâl mezbûr çoban inkâr ile cevâb verip müdde‘î-i mezbûrun da‘vâsına mutâbık beyyine taleb olundukda Andreya b. Manol ve Kosta b. Nikola mezbûrun da‘vâsına mutâbık edâ-i şehâdet-i şer‘iyye etdikleri hayyiz-i kabûlde vâki‘ olup mâ vaka‘a bi’t-taleb kayd olundu. Şuhûd: Fahrü’l-ümenâ Mehmed Çelebi b. Ali, Mehmed Çelebi el-kâtib, Şaban b. Yusuf, İsmail Çelebi b. Hayreddin ve gayruhüm mine’l-hâzırîn.