Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 155 Hüküm no: 264 Orijinal metin no: [32b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Kasım Beşe b. Abdullah’ın Ekmekçi Yorgi b. Andreya’da 5.200 akçe alacağı olduğu Kaziyye-i Mehmed Usta Vech-i tahrîr-i sicil oldur ki Beşiktaşı’ndan Ekmekçi Kasım Beşe b. Abdullah, Yorgi b. Andreya nâm zimmî ekmekçi mahfil-i şer‘-i şerîfe ihzâr edip ve mahzarında takrîr-i da‘vâ edip bundan akdem fırın sermâyesi için Mehmed Usta hazretlerinden altı bin, sermâye için, akçe aldıkdan sonra merkūm akçeyi işbu ekmekçi Yorgi’ye verip sermâyesi etdikden sonra sekiz yüz akçesin alıp kabûl [ve] kabz etdim bâkī beş bin iki yüz akçe kaldı hâliyâ taleb ederim dedikde gıbbe’s-suâl mezbûr Yorgi an-tav‘in ikrâr ile cevâb verip dedi ki merkūm akçenin bazı benim zimmetimde ve bazı âhar zimmetindedir cümlesin cem‘ edip verin dediği mezbûr Kasım talebiyle kayd-ı sicil olundu. Tahrîren fi’l-yevmi’s-sâmin min-Cumâdelâhire sene 967. Şuhûd: Mevlânâ Şemseddin Halîfe b. Hüseyin, Hüsam b. Nebî el-muhzır, İstadi b. Nikola, Keyn b. Kiryaki, Nikola b. Toma ve gayruhüm mine’l-hâzırîn.