Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 160 Hüküm no: 277 Orijinal metin no: [34a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Kasım Beşe b. Abdullah’ın alacağına kefîl olan Papuçcu Dimo b. Yani’den 120 akçe alacağı olduğu Yevmü’l-ehad, fî 12 Vech-i tahrîr-i sicil oldur ki Beşiktaşı’ndan Ekmekçi Kasım Beşe b. Abdullah, Papuccu Dimo b. Yani[‘yi] mahfil-i şer‘a ihzâr ve mahzarında takrîr-i da‘vâ edip bundan akdem Yorgi zimmetinde İshak Çelebi Evkāfı’ndan karye-i mezbûrede olan odalarında sâkin olup oda icâresinden yüz yirmi akçe vardı mezkûr Yorgi gaybet edip meblağ-ı merkūma işbu Dimo Papuccu kefîl bi’l-mâl olmuşdur hâliyâ bundan taleb ederim deyicek gıbbe’s-suâl mezbûr Dimo an-tav‘in ikrâr ile cevâb verdikde bi’t-taleb kayd olundu. Şuhûd: İsmail Çelebi b. Hayreddin, Hüsam b. Nebî el-muhzır, Mehmed b. Mustafa el-muhzır, İskender b. Abdullah el-râcil ve gayruhüm mine’l-hâzırîn.