Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 163 Hüküm no: 287 Orijinal metin no: [35a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pîrî Çelebi b. Ahmed’in alacağına kefaletinden dolayı İstemad Kethüdâ b. Nikola’nın zimmetini ibrâ ettiği Kaziyye-i İstemad Kethüdâ an-karye-i Maçuka Vech-i tahrîr-i hurûf oldur ki Beşiktaşı nâm karyede sâkin Pîrî Çelebi b. Ahmed mahfil-i şer‘-i şerîfe hâzır olup Maçuka nâm karyeden İstemad Kethüdâ b. Nikola nâm Nasrânî mahzarında ikrâr-ı şer‘î ve i‘tirâf-ı mer‘î kılıp dedi ki bundan akdem karye-i mezbûrede sâkin olup gaybet eden Kara Nikola nâm Nasrânî zimmetinde dört bin akçe hakkım olup meblağ-ı merkūmun derkine işbu İstemad kefîl bi’l-mâl etmişdi hâliyâ mezkûr Kara Nikola gaybet etmeğin meblağ-ı merkūmdan işbu bâ‘isü hâze’s-sicil mezbûr İstemad elinden kefâleten üç bin dokuz yüz akçe asıldan ve kırk akçe ribhden cem‘an üç bin dokuz yüz kırk akçeyi bî-kusûr alıp kabûl [ve] kabz etdim elân makbûzumdur bâkī bu kimesne zimmetinde bir akçe ve bir habbe hakkım kalmadı dedikde mukırr-ı mezbûrun ikrârı ve kavl-i meşrûhunu mezbûr İstemad vicâhen kabûl ve tasdîk edip mâ vaka‘a bi’t-taleb kayd olundu. Şuhûd: Fahrü’l-akrân Mustafa Çelebi b. Mehmed el-mütevellî alâ evkāfi Hayreddin, Cafer Ağa b. Abdullah, Mahmud Bey b. Abdullah, Ahmed b. Abdullah er-râcil, Hüsam b. Nebî el-muhzır, Mehmed b. Mustafa el-muhzır ve gayruhüm mine’l-hâzırîn.