Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 197 Hüküm no: 374 Orijinal metin no: [46a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kubad Bey b. Kasım’ın alacak hususunda Dimitri b. Yorgi’nin zimmetini ibrâ ettiği Vech-i tahrîr-i sicil oldur ki Beşiktaşı’ndan Kubad Bey b. Kasım mahfil-i şer‘-i şerîfe hâzır olup Dimitri b. Yorgi Çıfıtali nâm Nasrânî mahzarında ikrâr-ı şer‘î ve i‘tirâf-ı mer‘î kılıp bundan akdem işbu sâhibü hâze’s-sicil mezbûr Dimitri zimmetinde karz-ı hasen iki bin akçe hakkım vardı hâliyâ iki bin akçe hakkımı bî-kusûr alıp kabûl [ve] kabz edip zimmetini düyûna müte‘allik cemî‘-i de‘âvîden ibrâ ve ıskāt etdim ba‘de’l-yevm da‘vâm ve nizâ‘ım yokdur eğer bir vechile da‘vâ edersem inde’l-hâkim mesmû‘ ve makbûl olmaya dedikde mukırr-ı mezbûrun ikrârı ve kavl-i meşrûhunu mezbûr Dimitri vicâhen kabûl ve tasdîk edip mâ vaka‘a bi’t-taleb kayd-ı sicil olundu. Tahrîren fi’l-yevmi’s-sâlis min şehri Şa‘bân sene 967. Şuhûd: İskender b. Abdullah el-kâtib, Hürrem b. Abdullah mütevellî, Ferruh b. Abdullah, Mehmed b. Mustafa el-muhzır, Mahmud b. Abdullah, Kasım Bey b. Abdullah ve gayruhüm mine’l-hâzırîn.