Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 210 Hüküm no: 407 Orijinal metin no: [50b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Acemi oğlanı Ferhad b. Abdullah’ın Arabgir’deki iki adet bağını işletip ürünü yarıya olmak üzere Râcil Ferhad’ı vekil tayin ettiği Vech-i tahrîr-i sicil oldur ki Ferhad b. Abdullah nâm acemi oğlanı meclis-i şer‘a hâzır olup Ferhad b. ( ) er-râcil nâm mahzarında ikrâr-ı şer‘î kılıp dedi ki Arabgir kazâsına tâbi‘ Gamurgab nâm karye bâğları arasında iki kıt‘a bâğımı hudûd-ı erba‘asından bir tarafı Serkis b. Paris’e ve bir taraf benim tarlama ve iki taraf Ermeni Fali ve kıt‘a bâğım bir taraf Kerîm b. ( ) ve bir taraf Latif ve bir tarafı Toros ve bir tarafı Vakkās b. ( ), bu iki bâğlarımı işbu Ferhad benim vekîl-i mutlakım olup sene ber-sene bâğın mahsûl harcından zâid ne hâsıl olursa nısfın benim için zabt etdirmesine verdim dedikde mukırr-ı mezbûrun ikrâr ve kavl-i meşrûhunu mezbûr Ferhad vicâhen kabûl ve tasdîk edip mâ vaka‘a bi’t-taleb kayd olundu. Tahrîren fi’t-târihi’l-mezbûr. Şuhûd: Şuhûdü’l-mezbûre.