Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 217 Hüküm no: 424 Orijinal metin no: [53a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Danila bt. Yani’nin ölen Dimitri’den iki bin akçe alacağı olduğunu şahitlerle ispat ettiği Vech-i tahrîr-i sicil oldur ki Danila bt. Yani nâm zimmiyye Dimitri eytâm-ı sıgārına kıbel-i şer‘den vasî nasb olunan Todora b. Yorgi nâm zimmîyi mahfil-i şer‘a ihzâr ve üzerine takrîr-i da‘vâ edip bundan akdem müteveffâ-yı mezkûra hâl-i sıhhatinde karz-ı hasen iki bin akçe vermişdim öldü üzerinde kaldı elân lâzımü’l-edâ deyndir hâliyâ muhallefâtından taleb ederim deyicek gıbbe’s-suâl mezbûr vasî inkâr ile cevâb verip da‘vâsına mutâbık beyyine taleb olundukda Papas Dimitri b. Yani ve Yorgi b. Kalyozer meblağ-ı merkūm mezkûr Dimitri’nin olup üzerinde kaldığından elân lâzımü’l-edâ deyni idiğine edâ-i şehâdet-i şer‘iyye etdikleri ba‘de’t-tezkiyye hayyiz-i kabûlde vâki‘ olup mâ vaka‘a mezbûre talebi ile kayd olundu. Tahrîren fî evâili Ramazâni’l-mübârek sene 967. Şuhûd: Ferruh b. Abdullah, Mehmed b. Mustafa el-muhzır, Papas Dimitri b. Yani ve Papas Nikola b. Yani, Todora b. Yorgi, Yorgi b. Kalyozer, Toma b. Partoz, Yani b. Andreya, Dirseme? b. Yani ve gayruhüm mine’l-hâzırîn.