Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 225 Hüküm no: 442 Orijinal metin no: [55b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani v. Yorgi’nin Petro v. Kiryaki’den iki filoriye bir öküz satın aldığını şahitlerle ispat ettiği Vech-i tahrîr-i sicil olduk ki Yenice nâm karyeden Yani v. Yorgi nâm nasrânî Petro v. Kiryaki nâm Nasrânî[yi] mahfil-i şer‘a ihzâr ve üzerine takrîr-i da‘vâ edip bundan akdem işbu Petro’dan iki filoriye bir öküz iştirâ etmiş idim hâliyâ mezkûr öküzü âhara bey‘ etmek istediğimde fuzûlî kabz edip aldı öküzümü taleb ederim deyicek gıbbe’s-suâl mezbûr Petro takrîr-i cevâb edip mezkûr öküzü ben bey‘ etmedim ancak hibe etdim hâliyâ hibemden rücû‘ etdim deyicek müdde‘î-i mezbûrun da‘vâsına mutâbık beyyine taleb olundukda Yorgi b. Todora ve Pavli b. Yorgi nâm Nasrânîler müdde‘î-i mezbûrun da‘vâsına mutâbık edâ-i şehâdet-i şer‘iyye etdikleri ba‘de’t-tezkiyye hayyiz-i kabulde vâki‘ olup mâ vaka‘a bi’t-taleb kayd olundu. Tahrîren fi’t-târihi’l-mezbûr. Şuhûd: Ferruh b. Abdullah, Mehmed Çelebi b. Abdullah, Mehmed b. Mustafa, Receb b. Ahmed, Pîr b. Metin, İskender b. Abdullah.