Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 242 Hüküm no: 484 Orijinal metin no: [61b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani b. Todora’nın Meyhaneci İskender Dimitri b. Manol’dan iki yüz akçe alacağı olduğu Yevmü’l-Cum‘a, fî 3 Vech-i tahrîr-i sicil oldur ki Akındıburnu nâm karyeden Yani b. Todora, İskender Dimitri b. Manol nâm meyhâneci[yi] mahfil-i şer‘a ihzâr ve üzerine takrîr-i da‘vâ ve bundan akdem meyhânesinde yeniçeriler döğüp mezbûr Dimitri gaybet etdikde mezbûrun ma‘rifetiyle hasımlarını iki yüz akçeye müsâlaha ve ibrâ etmişdim hâliyâ meblağ-ı merkūm mezbûr zimmetinde taleb ederim deyicek gıbbe’s-[suâl] mezbûr Dimitri inkâr ile cevâb verdikde Yani b. Yorgi ve Atnas b. Pavli müdde‘î-i mezbûrun da‘vâsına mutâbık edâ-i şehâdet-i şer‘iyye etdiklerinde mezbûrânın şehâdetleri ba‘de’t-tezkiyye hayyiz-i kabûlde vâki‘ olup meblağ-ı mezkûr mezbûr Dimitri zimmetinden hükm olunup mâ vaka‘a bi’t-taleb kayd olundu. Tahrîren fi’l-yevmi’s-sâlis min şehri Zilka‘de sene 967. Şuhûd: Mehmed b. Mustafa el-muhzır havâle, Dode b. Diçko, Manol b. ( ) ve gayruhüm.