Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 242 Hüküm no: 485 Orijinal metin no: [62a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yani b. Todara’nın ölen karısının Dimitri b. Manol’a borcu olmadığına dair yemin ettiği Vech-i tahrîr-i sicil oldur ki Dimitri b. Manol, Yani b. Todara[‘yı] mahfil-i şer‘a ihzâr ve üzerine takrîr-i da‘vâ bundan akdem ekmek ve peynir ve balık bahâsından mezbûrun zevcesin[d]e iki yüz akçe [hakkım] olup mezkûre fevt oldukda muhallefâtı işbu Yani’ye intikāl etmişdir hâliyâ taleb ederim deyicek gıbbe’s-suâl mezbûr Yani inkâr ile cevâb vericek beyyineden âciz olup mezbûr Yani’ye İncîl’e yemîn verildiği bi’t-taleb kayd olundu. Tahrîren fî evâili Zilka‘de sene 967. Şuhûd: Şuhûdü’l-mezbûre.