Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 247 Hüküm no: 496 Orijinal metin no: [63b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andreya b. Acem Reis’in Yani b. Kostantin’den dört filori alacağı olduğu Vech-i tahrîr-i sicil oldur ki Andreya b. Acem Reis nâm zimmî Yani b. Kostantin nâm zimmî[yi] mahfil-i şer‘-i şerîfe ihzâr ve üzerine da‘vâ bundan akdem karz-ı hasen dört sikke filori verdim hâliyâ taleb ederim deyicek gıbbe’s-suâl mezbûr Yani inkâr ile cevâb verip müdde‘î-i mezbûrun da‘vâsına mutâbık beyyine taleb olundukda Meleştos b. Kostantin ve Mihal b. Yani nâm zimmîler mezbûrun da‘vâsına mutâbık edâ-i şehâdet-i şer‘iyye edip dediler ki biz şâhidleriz şehâdet dahi ederiz işbu müşârun-ileyh Andreya işbu müşârun-ileyh Yani’ye dört sikke filori karz-ı hasen verdiğine şâhidleriz şehâdet ederiz dedikleri ba‘de’t-tezkiyye hayyiz-i kabûlde vâki‘ olup meblağ-ı mezbûr Yani mezbûr üzerine hükm olunduğu bi’t-taleb kayd olundu. Tahrîren fi’l-yevmi’s-sâbi‘ min şehri Zilka‘de sene 967. Şuhûd: Mevlânâ Nureddin Halîfe b. Yusuf, Ömer Çelebi b. Sinan, Ramazan b. Mahmud, Kulfal b. Hasan, Ferruh b. Abdullah, Todorez b. Kosta ve gayruhüm.