Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 249 Hüküm no: 501 Orijinal metin no: [64b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cafer Ağa b. Abdullah’ın ölümünden kırk gün evvel Çerkes asıllı câriyesi Gülruh’u azat edip kendisine üç bin akçe verilmesini vasiyet ettiği Vech-i tahrîr-i hurûf oldur ki Hâliyâ Beşiktaşı’nda sâkin fahrü’l-akrân Cafer Ağa b. Abdullah meclis-i şer‘-i şerîfe hâzır oldukda şöyle ikrâr ve i‘tirâf edip eyitdi ki işbu hâmiletü hâze’l-kitâb orta boylu kara yağız kara gözlü çatık kaşlı sağ kaşında yarası [olan] Çerkesiyy[et]ü’l-asl müslimetü’l-millet Gülruh bt. Abdullah nâm câriyemi müdebber-i mutlak etdim vefâtımdan kırk gün evvel âzâd olup sülüs mâlımdan üç bin akçe verip mezbûra teslîm oluna dedikde mukırr-ı mezbûrun ikrâr ve akvâl-i meşrûhunu mukarrun-lehâ’l-mezbûre kabûl ve tasdîk edip mâ-hüve’l-vâkı‘ vukū‘u üzere bi’t-taleb tahrîr olunup mezbûre-i mevsûfe yedine vaz‘ ve def‘ olundu ketb ü imlâ olundu ve hîn-i hâcetde ihticâc edine cerâ zâlik. Hurrire fî evâili Rebî‘ülevvel sene 966. Şuhûdu’l-hâl: Şuhûdu’l-mezbûre.