Beşiktaş Mahkemesi 2 Numaralı Sicil (H. 966-968 / M. 1558-1561) cilt: 42, sayfa: 250 Hüküm no: 502 Orijinal metin no: [65a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sinan Paşa Vakfı’na ait bir dönüm yerin Keyvan Kethüda b. Abdurrahman tarafından Allah rızası için Mehmed b. Abdullah’a verildiği Vech-i tahrîr-i sicil oldur ki Merhûm ve mağfûr Sinan Paşa yerlerinden bir dönüm mikdârı yeri ma‘rifet-i şer‘iyye ile kıdvetü’l-emâsil ve’l-akrân Keyvan Kethüdâ b. Abdurrahman şöyle ikrâr ve i‘tirâf eyledi ki zikr olan vakıf yer ki hudûd[u;] bir taraf yer vîrânî bir taraf tarîk-i âm bir tarafı Durmuş Reis bir tarafı Üstâz Mahmud ile mahdûd yeri işbu hâmilü’l-kitâb Mehmed b. Abdullah’a hasbeten lillâh ve taleben li-merzâtihî verdim deyicek mukırr-ı mezbûrun ikrârını mukarrun-lehü’l-merkūm Mehmed tasdîk edip mâ vaka‘a bi’t-taleb kayd-ı sicil olundu. Tahrîren fî evâhiri Cumâdelâhire li-sene 966. Şuhûd: Murad b. Abdullah, Mehmed b. Mustafa ve Pervâne b. Abdullah, Usta Mahmud b. Abdullah ve gayruhüm.